FİFA “Neftçi”yə qarşı ciddi sanksiya tətbiq edib. Ali futbol qurumunun qərarına əsasən, Bakı təmsilçisinə növbəti üç transfer pəncərəsi ərzində (2028-ci ilin qışına qədər) yeni oyunçu qeydiyyata almağa qadağa qoyulub.

Sanksiyanın səbəbi nədir? Məlumata görə, bu qərar Lüksemburq millisinin hücumçusu Alessio Kurçinin transferi ilə bağlı yaranmış texniki ödəniş gecikməsinə görə verilib.

Klubdan rəsmi açıqlama: “Narahatlığa əsas yoхdur”Məsələ ilə bağlı “Neftçi” klubu dərhal açıqlama yayaraq azarkeşləri sakitləşdirib. Klub rəsmiləri bildiriblər ki, bu, dünya futbol təcrübəsində tez-tez rast gəlinən texniki bir prosesdir: “Transfer ödənişi gecikdikdə, FİFA-nın müvafiq portalı avtomatik olaraq klubu “qırmızı siyahı”ya salır və qadağa tətbiq edilir. Biz artıq ödənişi həyata keçirmişik. Qarşı tərəf ödənişi təsdiqlədikdən sonra, maksimum 3-5 gün ərzində qadağa avtomatik olaraq aradan qaldırılacaq. Klubun heç bir borc öhdəliyi yoxdur, problem sırf texniki səbəbdən yaranıb. Azarkeşlərimizin narahatlığına heç bir əsas yoxdur”.

Qeyd edək ki, yaxın günlərdə transfer qadağasının rəsmən ləğv ediləcəyi gözlənilir.