Sona beş tur qalmış bu komandaların duelini “qızıl oyun” da adlandırmaq olardı. Qələbədən başqa istənilən nəticə “Qarabağ”ın çempionluğu əldən verməsi demək idi. Bu oyun 10 xal fərqi ilə çatan “”Sabah” üçün heç-heçə də uğurlu nəticə olacaqdı. Oyundan əvvəl Qurban Qurbanov komandasının əsas oyunçularından biri olan Elvin Cəfərquliyevi və ehtiyat oyunçular skamyasının daimi sakini olan Abbas Hüseynovu intizamsızlığa görə ikinci komandaya göndərmişdi. Elvinin yoxluğu Ağdam klubu üçün ciddi itki sayılırdı. “Sabah” isə faktiki olaraq optimal heyətlə oyuna çıxmışdı və elə matça da daha yaxşı başladı. Artıq 11-ci dəqiqədə Valdas Dambrauskasın komandası hesabı aça bilərdi. Lakin komandanın vuran ayağı Coy-Lens Mikels penaltini pis yerinə yetirdi və Koxalski onu qaytardı. Bundan sonra meydan sahibləri nisbətən fəal oynadılar, qonaqlar isə ara-sıra fürsət yaxaladılar. Lakin hər iki komandanın hücumunda son ötürmədə keyfiyyət problemi özünü göstərirdi. İlk yarının yeganı qolu isə tamamilə təhlükənin olmadığı bir anda gəldi. Xaybullayev topu uğursuz qəbul edərək itirmişdi, lakin Medina sürüşərək yıxıldı və “Sabah”ın yarımmmüdafiəçisi yenidən topa sahib olaraq uzaq küncə fırlatdı.
Lakin Xaybullayevə oyunun qəhrəmanı olmaq qismət deyilmiş. İkinci hissə başlayan kimi o, rəqibə qarşı kobuluğa görə qırmızı vərəqə alaraq komandasını çətin vəziyyətdə qoydu və bununla da, 7 oyundur “Sabah”ı uda bilməyən “Qarabağ”a şans yaratdı. Amma Qurbanov oyunun gedişinə təsir edə bilmədi. Nə onun əvəzetmələri, nə də taktiki dəyişkliyi vəziyyəti dəyişdi. Qonaqlar 10 nəfərlə qapısını 90 dəqiqə toxunulmaz saxlamağı bacardı. “Qarabağ” demək olar real qol vəziyyəti yarada bilmədi.
Premyer Liqa, 28-ci tur
QARABAĞ – SABAH – 0:1 (0:1)
Xaybulayev, 45 (0:1)
Baş hakim: Elçin Məsiyev.
Qarabağ: Mateuş Koxalski, Toral Bayramov (Marko Yankoviç, 69), Abdulla Zubir (k) (Emmanuel Addai, 82), Kevin Medina, Kadi (Musa Qurbanlı, 69), Mateus Silva, Coni Montiel, Dani Kintana* (Bədavi Hüseynov, 80), Leandro Andrade, Pedro Bikalyo, Kamilo Duran.
Sabah: Stas Pokatilov (k), Abdulla Xaybulayev, Coy-Lans Mikkels (Xəyal Əliyev, 90+3), Velko Simiç, İqor Noqeyra, Akim Zedadka, Stiv Solve, Timoteuş Puxaç, İvan Lepinitsa, Kahim Perris (Zinedin Uld-Xaled, 55), Aaron Maluda (Rəhman Daşdəmirov, 55).
Qaçırılan penalti: Mikkels, 14 (qapıçı).
Sarı vərəqələr :Solve, Zedadka, Pokatilov, Duran.
Qırmızı vərəqələr: Xaybulayev, 46 (birbaşa qırmızı).