“Sabah”ın “Qarabağ” üzərindəki minimal hesablı qələbəsi itkisiz ötüşməyib. Komandanın aparıcı hücumçusu Coy-Lens Mikelsin matç zamanı aldığı zədənin ciddi olduğu üzə çıxıb.Klubun mətbuat xidmətindən verilən xəbərə görə, həkim müayinəsindən sonra təcrübəli futbolçuya üz nahiyəsinin sınığı diaqnozu qoyulub. Mikelsin bərpa prosesinin nə qədər çəkəcəyi və əməliyyata ehtiyac olub-olmayacağı növbəti müayinələrdən sonra dəqiqləşəcək. Xatırladaq ki, forvard 28-ci turun mərkəzi qarşılaşmasında zədələnərək meydanı tərk etməli olmuşdu.
