Azərbaycan Basketbol Liqasında (ABL) 2025/2026 mövsümünə yekun vurulub. Bakı İdman Sarayında keçirilən final seriyasının üçüncü qarşılaşmasında “Sabah” və “Abşeron Lions” komandaları üz-üzə gəlib.

Rəqibini 108:95 hesabı ilə məğlub edən “Sabah”, seriyada ümumi hesabı 3:0 (98:93, 112:84, 108:95) edərək çempionluq titulunu qoruyub. Bununla da “bayquşlar” ölkə çempionatında ardıcıl dördüncü qələbəsini bayram ediblər.

Görüşün ilk dəqiqələrindən meydanda gərgin mübarizə müşahidə olunub. İlk periodu üstün tamamlayan “Sabah” (25:21), ikinci hissədə “Lions”un hücumlarının qarşısını almaqda çətinlik çəkib və fasiləyə minimal hesabla geridə yollanıb. Lakin oyunun taleyi sonuncu dörddəbirdə həll olunub – 108:95 (25:21, 30:35, 29:26, 24:13)

Qələbədə aslan payı komandanın lideri Castin Tilmana məxsusdur. O, rəqib səbətinə 26 xal göndərərək matçın ən məhsuldar oyunçusu olub və komandasını qələbəyə daşıyıb.

Bu qələbə ilə “Sabah” Azərbaycan basketbol tarixinə öz adını qızıl hərflərlə yazdıraraq hegemonluğunu davam etdirib.