Niderlandın Veyk-an-Zee sahil şəhərində şahmat dünyasının “Uimbldonu” hesab olunan nüfuzlu “Tata Steel Chess” turniri davam edir. Yarışın “Challengers” qrupunda Azərbaycanı gənc qrosmeysterimiz Aydın Süleymanlı uğurla təmsil edir.
Dairəvi sistem üzrə keçirilən və 14 güclü şahmatçının mübarizə apardığı turnirdə Aydın Süleymanlı yüksək performans nümayiş etdirir. Yarışın 5-ci turunda Niderland təmsilçisi Maks Varmerdam ilə qarşılaşan şahmatçımız gərgin keçən partiyadan heç-heçə ilə ayrılıb. Bu nəticədən sonra aktivindəki xal ehtiyatını 4-ə çatdıran Aydın, turnir cədvəlində təkbaşına liderliyini qoruyur.
Rəqiblər və hədəf Yarışda şahmat əfsanəsi Vasili İvançuk (Ukrayna) və blits üzrə üçqat dünya çempionu Bibisara Asaubayeva (Qazaxıstan) kimi tanınmış simalar da iştirak edir. 13 turdan ibarət olan bu marafon fevralın 1-də yekunlaşacaq.
“Challengers” qrupunun qalibi olmaq xüsusi əhəmiyyət kəsb edir. Turnirin qazanan növbəti il Maqnus Karlsen və Din Lijen kimi dünya nəhənglərinin yarışdığı elitar “Masters” qrupuna vəsiqə qazanacaq.