“Pulun heç bir əhəmiyyəti yoxdur”: “Əl-İttihad” prezidentindən şok Messi etirafı!

“Əl-İttihad” klubunun prezidenti Anmar Əl-Hayli Lionel Messini heyətə qatmaq üçün hər bir fədakarlığa hazır olduğunu açıqlayıb. O, argentinalı ulduza özünün təyin edəcəyi istənilən məbləğdə ömürlük müqavilə təklif etməyə razı imiş. Leonun PSJ-dən gedişindən sonra Səudiyyə təmsilçisi ona illik 1,4 milyard avro olan rekord bir məbləğ təklif edib.

 Klub prezident bu addımını belə əsaslandırıb: “Mənim üçün pulun heç bir əhəmiyyəti yoxdur. Mən Messini istəyirdim, çünki o, tarixin ən yaxşı futbolçusudur”.

“Əl-İttihad”, dünya futbolunun canlı əfsanəsi karyerasını ABŞ-da davam etdirmək qərarına gəlməzdən əvvəl ona ən böyük maliyyə təklifi verən azsaylı klublardan biri olub. NIBC-yə müsahibə verən Anmar Əl-Hayli bildirib ki, Messi PSJ-də çıxış edərkən rəsmi təklif göndərilsə də, hücumçu bu astronomik rəqəmdən imtina edib.

 “O, ailəsi ABŞ-a köçmək istədiyi üçün təklifi geri çevirdi. Belə nəhəng bir məbləğdən ailəsinə görə imtina etməsi həqiqətən heyrətamizdir. O, ailəsini seçdi və tərəddüd etmədən “yox” dedi. Biz buna böyük hörmətlə yanaşırıq, çünki ailə puldan daha vacibdir”, — deyə Əl-Hayli vurğulayıb.Xatırladaq ki, Lionel Messi sonda MLS-in “İnter Mayami” klubuna keçdi və burada artıq ilk çempionluğunu qazanıb.