“Fənərbaxça”, Matteo Genduzinin transferindən sonra yarımmüdafiə xəttini gücləndirmək üçün gözlənilməz addım atıb. “Sarı-lacivərdlilər” Səudiyyə Ərəbistanının “Əl-İttihad” komandasında çıxış edən fransız ulduz N’Qolo Kante üçün rəsmi təklif göndərib.
Jurnalist Yağız Sabuncuoğlunun verdiyi məlumata görə, mərkəz rotasiyasını daha da zənginləşdirmək istəyən İstanbul klubunun rəhbərliyi 34 yaşlı futbolçunu hədəf seçib və artıq təcrübəli oyunçuya rəsmi müraciətini edib.

Çərşənbə axşamı “Fənər” rəsmiləri ilə Kantenin agenti arasında özəl görüş keçiriləcəyi bildirilir. Mövsümün sonunda klubu ilə müqaviləsi başa çatacaq fransız yarımmüdafiəçinin “Əl-İttihad”dan ayrılacağı gözlənilir.

Kante cari mövsümdə Səudiyyə təmsilçisinin heyətində stabil çıxışı ilə diqqət çəkib. Bütün turnirlərdə 21 oyunda, ümumilikdə 1842 dəqiqə meydanda olub və 1 qolla vurub.