“Fənərbaxça”nın polşalı ulduzu Sebastyan Şimanski karyerasını Fransa Liqa 1-də davam etdirməyə hazırlaşır. 26 yaşlı yarımmüdafiəçi “Renn” klubu ilə şəxsi müqavilənin şərtlərini artıq razılaşdırıb.
“A Spor”un yaydığı məlumata görə, klublar arasındakı danışıqlar yekun mərhələdədir. “Sarı-lacivərdlilər” bu transfer üçün 10-12 milyon avro civarında təzminat məbləği üzərində ortaq məxrəcə gəliblər. Hazırda tərəflər son detalları müzakirə edir və transferin yaxın saatlarda rəsmən elan olunacağı gözlənilir.
Qeyd edək ki, 2023/2024 mövsümünün əvvəlində İstanbul klubuna qoşulan Şimanski Türkiyədə keçirdiyi 133 rəsmi oyunda 22 qol və 30 məhsuldar ötürmə ilə yadda qalıb.