“Neftçi”nin UEFA Konfrans Liqasının II təsnifat mərhələsində Minsk “Dinamo”su ilə keçirəcəyi ilk oyunun tarixi və məkanı müəyyənləşib.

Klubun mətbuat xidmətindən verilən məlumata görə, iyulun 22-də Bakıdakı “Palm Sports Arena”da baş tutacaq qarşılaşma saat 20:00-da start götürəcək.

Qeyd edək ki, görüşün ənənəvi olaraq cümə axşamı deyil, çərşənbə gününə təyin edilməsi Avropa Liqası ilə bağlıdır. Belə ki, cümə axşamı günü Bakıda “Qarabağ”ın Avropa Liqası çərçivəsindəki matçı keçiriləcəyi üçün təqvimdə dəyişiklik edilib.