“Qarabağ” heyətini yeni legionerlə gücləndirməyə hazırlaşır. Ağdam təmsilçisi Mozambik millisinin müdafiəçisi Bruno Lanqanın keçidini artıq həll edib.
Mməşhur insayder Fabrisio Romanonun yaydığı məlumata görə, “Qarabağ” sol cinah müdafiəçisi və onun müqavilə ilə məxsus olduğu İspaniyanın “Almeriya” klubu ilə tam razılıq əldə edib.
İspaniyanın nüfuzlu “MARCA” nəşri isə bu transferin maliyyə detallarını açıqlayıb. Mənbənin iddiasına görə, Ağdam klubu bu keçid görə “Almeriya”ya 1 mln. avro təzminat ödəyib.
Ötən mövsümü icarədə keçirən Bruno Lanqa ilin ilk yarısında Kiprin “Pafos”, ikinci dövrəsini isə Portuqaliyanın “Eştrela” klubunda çıxış edib. Müdafiəçinin İspaniya təmsilçisi ilə normalda 2027/28-ci illər mövsümünün sonunadək qüvvədə olan müqaviləsi var idi.