“Barselona”nın gənc ulduzu Lamin Yamal yenidən diqqət mərkəzindədir. Şəxsi həyatı ilə tez-tez gündəmə gələn 18 yaşlı futbolçu, bu dəfə yeni sevgilisi ilə kamera önünə keçib.

Ötən il argentinalı repçi Niki Nikoll ilə dalğalı münasibət yaşayan Yamal, ilin sonuna doğru bu əlaqəyə son qoymuşdu. Lakin görünür, gənc istedad artıq özünə yeni münasibət qurub. Dünən “Barselona”nın çempionluq şərəfinə təşkil etdiyi özəl gecədə Lamin Yamal diqqətləri üzərinə çəkib. Futbolçuların qırmızı xalıda öz xanımları və tərəf-müqabilləri ilə görüntüləndiyi gecədə, Lamin Yamalın müşayiətçisi 21 yaşlı ispan bloger İnes Qarsiya olub.

Bu, cütlüyün ilk rəsmi birgə çıxışı kimi yadda qalıb. Xatırladaq ki, bir müddət əvvəl cütlüyün Yunanıstanda istirahət edərkən görüntülənməsi onların sevgili olması ilə bağlı şayiələrə yol açmışdı.

Hazırda Lamin Yamal qarşıdan gələn dünya çempionatına ciddi hazırlaşır. Lakin gənc oyunçu üçün xoşagəlməz xəbər var: zədə səbəbindən Yamal İspaniya millisinin turniridəki ilk iki oyununu buraxmalı olacaq.