Azərbaycanın 21 yaşadək futbolçulardan ibarət milli komandası qarşıdakı təlim-məşq toplanışının proqramını açıqlayıb.

AFFA-nın yaydığı məlumata əsasən, millimiz hazırlıqların ilk mərhələsini 28-30 mayda Bakıda, ikinci mərhələsini isə 31 maydan 10 iyuna qədər Türkiyənin İsparta şəhərində başa vuracaq.

Türkiyə toplanışı çərçivəsində yığmamız iki beynəlxalq yoxlama oyunu keçirəcək. Baş məşqçi Rəşad Eyyubovun yetirmələri iyunun 6-da Bəhreyn, üç gün sonra Qırğızıstanın müvafiq yaş qrupundan olan yığmaları ilə qarşılaşacaqlar. İspartadakı “Sav” stadionunda baş tutacaq hər iki oyun Bakı vaxtı ilə saat 18:00-da start başlayacaq.

Baş məşqçi Rəşad Eyyubov toplanışa aşağıdakı 25 futbolçunu dəvət edib.

Qapıçılar: Sadıq Məmmədzadə (“Difai”), Səlim Həşimov (“Şamaxı”), Rəvan Mirzəmədov (“Sabah”).

Müdafiəçilər: Emin Rüstəmov (“Karvan”), Elgün Dünyamalıyev (“Cəbrayıl”), Raul Məmmədov (“Səbail”), Ceyhun Bağırzadə (“Qəbələ”), Əkbər Eyyubov (“Mingəçevir”), Ayxan Süleymanlı (“Sumqayıt”), Eşqin Əhmədov (“Qəbələ”), Qurban Səfərov (“Səbail”).

Yarımmüdafiəçilər: Tuncay Yusifli (“İmişli”), Bilal İsmayılov (“Şamaxı”), Nuqay Rəşidov (“Qəbələ”), Emil Süleymanov (“Şamaxı”), Qadir Ramazanov (“Qəbələ”), Şahin Şahniyarov (“Qəbələ”), Edqar Adilxanov (“Şamaxı”).

Hücumçular: İlyas Bağçı (“Herta”, Almaniya), Yusif Mehdiyev (“Meşaxte”, Almaniya), Nahid Əliyev (“Şəfa”), Lorenso Mezzatore (“Sampdoriya”, İtaliya), Raul Süleymanov (“Herta”, Almaniya), Murad Məmmədov (“Neftçi”), Nihad Əhmədzadə (“Sumqayıt”).