“Orxus”un (AGF) Çempionlar Liqası ilə bu cür alçaldıcı şəkildə vidalaşacağını təsəvvür etmək belə çətin idi. “Sabah”a 0:4 hesabı ilə boyun əyən Danimarka təmsilçisi, ikioyunluq duelin yekununda 2:5 hesabı ilə məğlub olaraq turnirdə mübarizəni dayandırdı. İlk matçdakı 2:1 hesablı ev qələbəsindən sonra qeydə alınan bu darmadağın qonaqlar üçün xüsusilə acınacaqlı oldu.

Komandanın təcrübəli futbolçusu Yens Yönsson bu məğlubiyyəti “özlərinin səbəb olduğu acı bir son” kimi dəyərləndirib. “Viaplay” kanalına müsahibəsində məyusluğunu gizlədə bilməyən yarımmüdafiəçi kəskin fikirlər səsləndirib: “Elə hiss edirəm ki, bütün həftəni dayanmadan məşq edib, sonda hər şeyi bir anda boşa verdik. Belə oynayanda, özün özünü çətin vəziyyətə salırsan”.

Yönsson “Sabah”ın onlardan aşkar üstün olmadığını iddia etsə də, bu cür darmadağından sonra heç bir bəhanəyə yer qalmadığını etiraf edib: “Biz çox geriyə çəkildik, halbuki vəziyyəti dəyişmək üçün kifayət qədər vaxtımız var idi. Səmimi desək, rəqib bizdən o qədər də güclü deyil. Lakin mən heç kimi günahlandırmaq istəmirəm, çünki meydanda vəziyyəti tamamilə onlar diktə edirdilər. Biz daha yaxşı oynamalı idik, amma bunu bacarmadıq. Belə məqamda, bizə sadəcə susmalıyıq“.