Transfer çalışmalarını davam etdirən “Kəpəz” heyətini yeni futbolçu ilə gücləndirib.
Gəncə klubunun mətbuat xidmətinin yaydığı məlumata görə, komanda belçikalı mərkəz yarımmüdafiəçisi Desmond Akuanın keçidini rəsmiləşdirib. 24 yaşlı oyunçu ilə 2026/2027-ci illər mövsümünün sonunadək müqavilə imzalanıb.
Son klubu Belçikanın “Dender” komandası olan və müqaviləsi başa çatdıqdan sonra azad agent statusu daşıyan D.Akua, bütün turnirlər daxil olmaqla meydana çıxdığı 15 qarşılaşmada 2 qolla yadda qalıb.
Qeyd edək ki, “Transfermarkt” portalına görə belçikalı futbolçunun hazırkı bazar dəyəri 250 min avro təşkil edir.