Qazaxıstanın “Vesti.kz” saytının verdiyi məlumata görə, Stas Pokatilov “bayquşlar”la müqaviləsini yeniləməyib və hazırda digər xarici klublarla danışıqlar aparır. Xüsusilə Türkiyə klublarının təcrübəli qapıçı ilə yaxından maraqlandığı qeyd olunur.
Mənbə yazır: “Pokatilov özü də Türkiyə Superliqasında qüvvəsini sınamağa qarşı deyil və yeni komanda ilə ilkin müqavilə imzalamağa hazırdır. Qazaxıstanlı futbolçunun “Sabah”la müqaviləsi bu ilin iyununda başa çatır, bundan sonra o, azad agent statusu ilə Türkiyəyə yollana biləcək”.Yeri gəlmişkən, superliqasında qazaxıstanlı futbolçuların legioner statusuna düşməməsi (mavi kart və ya türksoylu oyunçu qaydası) Pokatilovun oradakı klublar üçün cəlbediciliyini artırır. Güman ki, Pokatilovun gedişindən sonra “Sabah” transfer bazarında yerli və ya yeni əcnəbi qapıçı axtarışına çıxacaq.
