Azərbaycan millisinin üzvü, dünya və Avropa çempionatlarının bürünc mükafatçısı Zelim Tskayev karyerasında növbəti uğura imza atıb. 81 kq çəki dərəcəsində mübarizə aparan 27 yaşlı cüdoçumuz Fransa klub çempionatının qalibi adını qazanıb.
PSJ-nin şərəfini qoruyan idmançımız komanda yoldaşları ilə birlikdə turnirin finalına qədər inamla irəliləyib. Həlledici qarşılaşmada Tskayevin təmsil etdiyi PSJ “Süsi Dzüdo” (“Sucy Judo”) komandasına qalib gələrək qızıl medallara sahib çıxıb.