Premyer Liqada cari mövsümün ən erkən qollarının müəllifləri müəyyənləşib. “Neftçi”nin lideri Emin Mahmudov 31-ci turda “Şamaxı”nı oyunun startında məyus edərək (1-ci dəqiqə) mövsümün rekordlarından birini yeniləyib.
PFL-in statistikasına əsasən, bu, çempionatda oyunun debütündə qeydə alınan ikinci erkən qoldur. Mövsümün ilk belə “sürpriz”ini isə Coy-Lens Mikkels reallaşdırmışdı. “Sabah”ın vingeri ötən ilin avqustunda, yenə “Şamaxı” ilə üz-üzə gəldiyi matçın ilk saniyələrində fərqlənməklə yadda qalmışdı. Beləliklə, Emin Mahmudov bu göstəricidə Mikkelsin rekordunu təkrarlamış oldu.