Portuqaliya millisinin ulduzu Kriştianu Ronaldo sosial şəbəkələrdəki növbəti addımı ilə yenidən diqqət mərkəzinə düşüb. Təcrübəli hücumçu FİFA, Argentina seçməsi və Lionel Messiyə qarşı səsləndirilən qalmaqallı ittihamları bəyənərək böyük rezonans doğurub.

“Bolavip” nəşrinin məlumatına görə, söhbət İspaniyanın “Espejo Público” televiziya proqramından götürülmüş videoçarxdan gedir. Dünya çempionatının İspaniya və Argentina yığmaları arasında keçiriləcək final oyunu ərəfəsində yayımlanan həmin proqramda efir iştirakçıları “albiseleste”nın futbol funksionerləri tərəfindən açıq-aşkar himayə olunduğunu iddia ediblər.

​Verilişdəki jurnalistlərdən biri hətta FİFA-nı korrupsiyada ittiham edib: ‘Argentina FİFA-nın köməyi olmasaydı, hələ təxminən beş matç əvvəl turnirlə vidalaşmalı idi. FİFA planetin en korrupsiyalaşmış təşkilatlarından biridir. Buna görə də mən Argentinadan yox, məhz İnfantinodan qorxuram”.

​Ronaldu paylaşıma hər hansı şərh yazmasa da, qoyduğu “bəyənmə” (like) işarəsi azarkeşlər və media tərəfindən səsləndirilən bu sərt fikirlərə dəstək kimi qiymətləndirilib.

​Qeyd edək ki, videoda səsləndirilən iddialarla bağlı heç bir rəsmi sübut və ya fakt təqdim olunmayıb.