Futbol üzrə Portuqaliya milli komandası dünya çempionatında iştirak edəcək yekun heyətini ictimaiyyətə təqdim edib.
Yığmanın baş məşqçisi Roberto Martinesin seçdiyi heyətdə komandanın 41 yaşlı superulduzu Kriştianu Ronaldunun da yer alması gözlənilən idi. Bu, əfsanəvi hücumçunun karyerasında qatılacağı sayca 6-cı ьгтвшфд olacaq və o, futbol tarixində növbəti rekord imza atacaq.
Roberto Martines mundial üçün 4 qapıçıya dəvət göndərib. Lakin mütəxəssis aydınlıq gətirib ki, qapıçılardan Rikardu Velyu ehtiyat oyunçular skamyasında əyləşməyəcək, yalnız məşq prosesində komandaya kömək edəcək.
Heyətin təqdimatında xüsusi diqqət çəkən məqam isə “27+1” formulu olub. Buradakı “+1” simvolu ötən il avtoqəzada faciəvi şəkildə həyatını itirmiş futbolçu Dioqo Jotanın xatirəsinə ehtiram əlamətidir.
Portuqaliya millisinin tam heyəti
Qapıçılar: Dioqu Koşta, Ruy Silva, Joze Sa, Rikardu Velyu.
Müdafiəçilər: Joau Kanselu, Dioqu Dalot, Ruben Diaş, Qonsalu İnasiu, Renatu Veyqa, Tomas Arauju, Nunu Mendeş, Mateus Nunyeş, Nelson Semedu.
Yarımmüdafiəçilər: Brunu Fernandes, Bernardo Silva, Joau Neveş, Vitinya, Ruben Neveş, Samu Koşta.
Hücumçular: Fransisku Trinkan, Rafael Lean, Qonsalu Ramos, Kriştianu Ronaldu, Joau Feliks, Pedro Neto, Fransisku Konseysao, Qonsalu Gedeş.