Millimizin iyun toplanışı çərçivəsində keçirəcəyi yoldaşlıq görüşlərinin vaxtı və məkanı dəqiqləşib. AFFA-nın məlumatına görə, Ayxan Abbasovun rəhbərlik etdiyi seçmə komandamız Macarıstanın Sombathey şəhərində iki yoxlama oyunu keçirəcək. “Haladaş” stadionunda baş tutacaq qarşılaşmalarda rəqiblər Malta və San-Marino seçmələri olacaq.
Yığmamız iyunun 5-də Malta, 9-da isə San-Marino ilə üz-üzə gələcək. Hər iki matç saat 22:00-da başlayacaq.
Qeyd edək ki, “milli” təlim-məşq toplanışını iyunun 1-dən 10-na qədər Avstriyanın Bad-Valtersdorf şəhərində keçirəcək. Komandamız oyunlara məhz bu hazırlıq mərkəzindən yollanacaq.