Çexiyanın paytaxtı Praqada keçirilən Avropa Açıq turniri başa çatıb.
Yarışın ikinci günündə Azərbaycan yığmasının daha 3 cüdoçusu tatamiyə çıxıb. Xəyam Əliyev (90 kq), Rio-2016 Olimpiadasının mükafatçısı Elmar Qasımov və Əjdər Bağırov (hər ikisi 100 kq) mübarizəyə qoşulublar. Təmsilçilərimizdən yalnız Əjdər Bağırov fəxri kürsüyə qalxmağı bacarıb – o, turnirin gümüş medalına sahib çıxıb. Əliyev və Qasımov isə yarışı medalsız başa vurublar.
Beləliklə, cüdoçularımız Avropa açıq turnirini 4 medalla (1 qızıl, 2 gümüş, 1 bürünc) başa vurublar. Elşən Əsədov (66 kq) qızıl, Rəşad Yelkiyevlə (66 kq) Əjdər Bağırov (100 kq) gümüş, Kamran Süleymanov (73 kq) bürünc medal qazanıb.v