Dünya çempionatının final qarşılaşmasının start fitindən hələ bir dəqiqə belə keçməmiş, futbol dünyası yeni bir tarixi rekorda şahidlik edib.

İspaniya millisinin start heyətləri açıqlanan andan etibarən “Barselona”nın ulduzu Lami Yamalın növbəti rekordu rəsmiləşib. Məşhur statistika platforması “OptaJoe”nun yaydığı məlumata görə, 19 yaşlı vinger futbol tarixində həm Avropa çempionatının, həm də Dünya çempionatının finalında forma geyinən ilk yeniyetmə futbolçu olaraq tarixə düşüb.

DÇ-2026-nın həlledici matçına İspaniya millisinin start heyətində – sağ cinahda başlayan Yamalın cəmi 19 yaşı və 6 günü var. Xatırladaq ki, gənc istedad “buğalar”ın çempionluğu ilə başa çatan Avro-2024-ün finalında meydana çıxarkən 17 yaşını cəmi bir gün əvvəl qeyd etmiş və həmin oyunda məhsuldar ötürmə ilə yaddaqalmışdı.