ABŞ, Kanada və Meksikanın ev sahibliyi etdiyi Dünya Çempionatının başa çatmasından sonra FİFA turnirlə bağlı maraqlı göstəriciləri açıqlayıb.

Təşkil olunan 104 matçı tribunalardan ümumilikdə 6,8 milyon azarkeş izləyib. Yüksək temperatur altında keçən qarşılaşmalarda asayişi və təşkilatçılığı 43 min könüllü ilə 73 min 700 mühafizə əməkdaşı təmin edib.

Turnir zamanı azarkeşlər stadionlarda qida və içki istehlakı ilə də diqqət çəkiblər. Yarış ərzində təxminən 675 min hot-doq satılıb. Bu qədər hot-doq yan-yana düzülsə, təxminən 135 kilometrlik zəncir əmələ gətirər ki, bu da təxminən 1350 futbol meydançasının uzunluğuna bərabərdir.

Bununla yanaşı, tribunalarda 4,6 milyon şüşə su və müxtəlif spirtsiz içki istehlak edilib. Azarkeşlər həmçinin 5,5 milyondan çox pivə sifariş edərək turnir ərzində rekord istehlak göstəricilərindən birinə imza atıblar.

Xatırladaq ki, turnirin qızıl medallarına İspaniya, gümüşə Argentina yiyələnib. Bürünc medal uğrunda matçda isə İngiltərə Fransa üzərində dramatik qələbə qazanıb.