Çempionlar Liqasının yarımfinal mərhələsi çərçivəsində bu günü “Atletiko” Madriddə “Arsenal”ı qəbul edəcək. Cütlüyün taleyinə isə mayın 5-də Londonda keçiriləcək cavab qarşılaşmasında aydınlıq gələcək.

Bu yarımfinal cütündə favorit açıq-aşkar görünür. Mövsümün böyük bir qismini əla səviyyədə keçirən “Arsenal” xüsusilə etibarlı müdafiə xətti və standart vəziyyətlərdəki təhlükəli oyunu ilə diqqət çəkir. “Mançester Siti”nin təqibinə və üstünlüyün artıq zəmanət altında olmamasına rəğmən, London təmsilçisi İngiltərə Premyer Liqasında liderliyini qorumaqda davam edir.

Madrid təmsilçisinin bu mərhələyə yüksəlməsini müəyyən mənada sürpriz hesab etmək olar. Dieqo Simeonenin rəhbərlik etdiyi komanda son həftələrdə o qədər də parlaq oyun nümayiş etdirmir və son 9 rəsmi matçın yalnız ikisində qələbə qazana bilib. Lakin xarakter nümayiş etdirən madridlilər, cavab görüşündəki 1:2 hesablı məğlubiyyətə rəğmən, 1/4 finalda məhz əldə etdikləri həlledici qələbə sayəsində “Barselona”nı turnirdən kənarlaşdırmağı bacarıblar.

Argentinalı mütəxəssis komandasının əzmkarlığını və duelə tam hazır olduqlarını xüsusi vurğulayıb: “Yarımfinala böyük entuziazm və sarsılmaz inamla yanaşırıq. Öz güclü və zəif tərəflərimizi yaxşı bilirik. Özümüzə inamımız kifayət qədərdir, hazırıq və illərdir can atdığımız o böyük məqsəd uğrunda mübarizə aparacağıq”.

Qeyd edək ki, bu komandalar cari mövsümün qrup mərhələsində artıq üz-üzə gəliblər. Ötən ilin oktyabrında Londonda baş tutan həmin qarşılaşmada “Arsenal” rəqibini 4:0 hesablı inamlı qələbə ilə məyus etmişdi. İndi isə İspaniya təmsilçisi doğma azarkeşləri önündə həm finala doğru ilk addımı atmağa, həm də o ağır məğlubiyyətin qisasını almağa çalışacaq.

Çempionlar Liqası, 1/2 final (İlk oyun)

29 aprel 23:00 “Atletiko” (İspaniya) – “Arsenal” (İngiltərə)

TV: CBC Sport, TRT 1

Stadion: “Metropolitano”