Avropanın aparıcı futbol liqalarında yay transfer pəncərəsi rəsmən bağlanıb və bu yay futbol tarixində yeni rekordlarla yadda qalıb. Klublar qarşıya qoyulan hədəflərə çatmaq və heyətlərini gücləndirmək məqsədilə yeni oyunçulara yüz milyonlarla avro sərf ediblər.
İngiltərə klubları maliyyə gücünü nümayiş etdirərək növbəti dəfə transfer bazarının ən fəal və səxavətli iştirakçıları olduqlarını sübut ediblər. Premyer Liqa təmsilçiləri yay transferləri üçün ümumilikdə təxminən 4 milyard avro xərcləyiblər. Reytinq cədvəlində İngiltərə klublarının dominantlığı ilə yalnız İspaniya nəhəngləri – “Real” və “Barselona” rəqabət apara bilib.
Bu yay ən çox pul xərcləyən 10 klub
| № | Klub | Transfer xərcləri | Gələnlər | Transfer gəliri | Gedənlər | Balans |
| 1 | “Mançester Siti” | 526,20 mln avro | 9 | 337,02 mln avro | 9 | -189,18 mln avro |
| 2 | “Çelsi” | 406,70 mln avro | 10 | 447,80 mln avro | 12 | +41,10 mln avro |
| 3 | “Tottenhem” | 366,35 mln avro | 5 | 164,25 mln avro | 11 | -202,10 mln avro |
| 4 | “Nyukasl” | 313,00 mln avro | 8 | 279,10 mln avro | 4 | -33,90 mln avro |
| 5 | “Aston Villa” | 300,20 mln avro | 8 | 360,25 mln avro | 9 | +60,05 mln avro |
| 6 | “Liverpul” | 264,60 mln avro | 5 | 31,17 mln avro | 2 | -233,43 mln avro |
| 7 | “Arsenal” | 227,10 mln avro | 4 | 65,15 mln avro | 6 | -161,95 mln avro |
| 8 | “Real” | 225,00 mln avro | 4 | 58,50 mln avro | 5 | -166,50 mln avro |
| 9 | “İpsviç” | 220,65 mln avro | 14 | 19,36 mln avro | 5 | -201,29 mln avro |
| 10 | “Barselona” | 184,00 mln avro | 7 | 89,50 mln avro | 7 | -94,50 mln avro |