Azərbaycan millisinin hücumçusu Mahir Emrelinin çıxış etdiyi Polşanın “Rakuv” klubu UEFA Konfrans Liqasının 3-cü təsnifat mərhələsinin cavab qarşılaşmasına çıxıb. Polşa təmsilçisi İsveçdə “Hammarbi” qonağı olub (ilk oyun – 0:0).
Stokholmda baş tutan gərgin görüş “Rakuv”un 1:0 hesablı minimal qələbəsi ilə başa çatıb. Qarşılaşmaya start heyətində başlayan Mahir Emreli 67-ci dəqiqədə sarı vərəqə ilə cəzalandırılıb. Azərbaycanlı vinger komandası hesabda öndə olduğu məqamda — 73-cü dəqiqədə əvəzlənib.
İki oyunun nəticəsinə əsasən İsveç səddini keçən “Rakuv” adını Konfrans Liqasının pley-off mərhələsinə yazdırıb.