Bu gün voleybol üzrə qadınlardan ibarət Azərbaycan millisi Avropa Qızıl Liqasında 6-cı oyununa çıxacaq. Bakı vaxtı ilə saat 20:00-da başlayacaq oyunda Faiq Qarayevin yetirmələri İsveçrə yığması ilə qarşılaşacaq.
Xatırladaq ki, turnir ərzində Estoniya (3:0), Şimali Makedoniya (3:0) və İsrailə (3:0) qalib gələn millimiz, İsveç (0:3) və İspaniyaya (1:3) uduzub. Hazırda 9 xalla 24 komanda arasında 11-ci pillədə qərarlaşan yığmamızın növbəti mərhələyə yüksəlməsi üçün ilk 6-lıqda yer alması şərtdir.