Azərbaycanın U-20 yığması 2027-ci ildə baş tutacaq dünya çempionatına hazırlıq mərhələsini intensivləşdirir. Portuqaliyalı baş məşqçi Rui Jorje komandanı mayın sonunda növbəti dəfə Qəbələyə toplayacaq. İyunun ilk günlərinədək davam edəcək toplanışda əsas diqqət oyun praktikasına ayrılacaq. Jorjenin komandasının hazırlıq dövründə ən azı iki yoxlama matçında qüvvəsini sınayacağı gözlənilir. Rəqib qismində həm xarici ölkə yığmaları, həm də yerli kollektivlər nəzərdən keçirilir.