UEFA Çempionlar Liqasında II təsnifat mərhələsinin püşkü atılıb. İsveçrənin Nyon şəhərində keçirilən püşkatma mərasimində ölkəmizin turnirdəki yeganə təmsilçisi “Sabah”ın da potensial rəqibi müəyyənləşib.
Püşkatma zamanı səpələnməmişlər səbətində qərarlaşan Bakı klubu I təsnifat mərhələsini uğurla adlayacağı təqdirdə növbəti raunddakı rəqibini tanıyıb. Belə ki, komandamız ilkin mərhələdə Uels təmsilçisi TNS (The New Saints) səddini keçərsə, II təsnifat mərhələsində “Vardar” (Şimali Makedoniya) – “KuPS” (Finlandiya) cütünün qalibi ilə üz-üzə gələcək.
Qeyd edək ki, Çempionlar Liqasında I təsnifat mərhələsinin ilk oyunları iyulun 7-8-də, cavab matçları isə iyulun 14-15-də baş tutacaq. II mərhələnin ilk qarşılaşmaları isə iyulun 17-də start götürəcək.