“Sabah” qabonlu hücumçu Patrik Mbinanın transferi ilə bağlı məsələyə nöqtə qoyub. Paytaxt təmsilçisinin rəsmi saytının məlumatına görə, “bayquşlar”la Sloveniya “Maribor”u arasındakı icarə müqaviləsində yer alan satınalma bəndi aktivləşdirilib.
Beləliklə, transfer hüquqları tam alınan 25 yaşlı vinger, paytaxt klubu ilə 3 illik yeni müqaviləyə imza atıb.
Xatırladaq ki, cari ilin fevralından etibarən “Sabah”ın uğurları üçün tər tökən qabonlu futbolçu, “bayquşlar”ın heyətində meydana çıxdığı oyunlarda 3 qol və 1 məhsuldar ötürmə ilə yadda qalıb.