Ölkə kubokunun builki final matçında nominal ev sahibi statusunu daşıyacaq komandanın adına aydınlıq gəlib. Peşəkar Futbol Liqasında (PFL) keçirilən püşkatmanın nəticəsinə əsasən, həlledici qarşılaşmada “Sabah” komandası qəbul edən tərəf hesab olunacaq.
Püşkatma mərasimindən dərhal sonra PFL rəsmiləri və klub nümayəndələrinin iştirakı ilə geniş tərkibli görüş keçirilib. İclasda PFL-in texniki-idman direktoru Elgiz Abbasov, media və marketinq direktoru Sənan Abdullayev, həmçinin icraçı direktor Zaur Hacı-Məhərrəmov iştirak ediblər. Görüş zamanı final matçının yüksək səviyyədə təşkili üçün ilkin hazırlıq planları, təhlükəsizlik tədbirləri və digər vacib təşkilati nüanslar ətrafında fikir mübadiləsi aparılıb.
Xatırladaq ki, ölkə kubokunun qalibini müəyyən edəcək final qarşılaşması may 13-də keçiriləcək. Bakıdakı “Palms Sports Arena”da baş tutacaq matçın start fiti saat 20:00-da səslənəcək.