Yeni avrokubok mövsümünə hazırlaşan Azərbaycan təmsilçiləri – “Qarabağ” və “Zirə” yay toplanışı çərçivəsində ilk yoldaşlıq oyununa çıxıblar. “Azərsun Arena”da baş tutan və qeyri-adi formatda – 3 hissədən ibarət keçirilən qarşılaşma olduqca dinamik və bol qollu mübarizəyə səhnə olub.
Yeddi qolun vurulduğu maraqlı sparring Ağdam klubunun minimal hesablı qələbəsi ilə başa çatıb.
“Qarabağ” – “Zirə” — 4:3
Qollar: Papunaşvili (0:1), Duran (1:1, pen.), Qurbanlı (2:1), Andrade (3:1), Boqomolski (3:2), Mütəllimli (4:2), Ələsgərov (4:3).