Əvvəlki xəbərlərimizdə qeyd etdiyimiz kimi, Paraqvay millisinin seçmə mərhələdəki uğurundan sonra ölkədə milli bayram ab-havası yaşanır. Paytaxt Asunsion küçələrinə axışan insanlar qələbəni avtomobil siqnalları və atəşfəşanlıqla qeyd edirlər.
Ölkə prezidenti Santyaqo Penya xalqa müraciətində bu günü tarixi hadisə adlandırıb: “Bu gün bütün ölkə bayram edir. Biz milli kimliyimizin əsasını — döyüşkən ruhu, imanı və heç vaxt təslim olmayan xalqın gücünü təcəssüm etdirən millimizin qələbəsini qeyd edirik”. Dövlət başçısı bu münasibətlə çərşənbə axşamını ölkədə rəsmi qeyri-iş günü elan edəcəyini bildirib.