FİFA dünya çempionatının İspaniya – Argentina final matçını idarə etməyi sloveniyalı referi Slavko Vinçiçə həvalə edib. Bu təyinat idman ictimaiyyətində geniş rezonans doğurub və ciddi müzakirələrə yol açıb.
Bu etimadın müzakirə obyektinə çevrilməsinin əsas səbəbi hakimin 2025-ci ilin fevralında “Qalatasaray” və “Fənərbaxça” arasında keçirilən derbidən sonra verdiyi açıqlamadır. Həmin matçı “karyerasının ən çətin oyunu” kimi xarakterizə edən Vinçiç, o dövrdə “Qalatasaray”ın baş məşqçisi Okan Burukun kəskin tənqidləri ilə üzləşmişdi. Okan Buruk hakimin dördüncü referinin məsləhətlərinə məhəl qoymamasını və idarəçilik keyfiyyətini “zəif iş” kimi qiymətləndirərək narazılığını açıq şəkildə dilə gətirmişdi. Gərgin keçən və qolsuz heç-heçə ilə yekunlaşan həmin derbidən sonra Vinçiçin ünvanına səslənən tənqidlər yenidən gündəmə gəlib. İndi hamının gözü dünya futbolunun ən böyük səhnəsində olacaq: sloveniyalı hakimin bu tarixi finalda hansı performansı göstərəcəyi maraqla gözlənilir.