Kot-d’İvuar pley-off mərhələsinə çıxmaqla Afrika futbolunun nüfuzunu qorudu. Amma 1/16 finalda o qədər də yaxşı təsir bağışlamadı. Norveç 39-cu dəqiqədə Nusanın qolu ilə hesabı açdı. Lakin 74-cü dəqiqədə Diallo tarazlığı bərpa etdi. Qarşılaşmanın əlavə vaxta gedəcəyi zənn olunduğu vaxtda Erlinq Haaland bununla razılaşmadı. O, əsas vaxtın son dəqiqələrində vurduğu qolla skandinaviyalıları yenidən önə çıxardı. Fayenin yetirmələri bu dəfə hesabı bərabərləşdirə bilmədilər. Düzdür, son saniyələrdə Norveçin qapıçısı cərimə zərbəsindən gələn topu doqquluqdan çıxarmaqla komandasına qələbə qazandırdı. Amma etiraf edək ki, ümumilikdə “fillər” çox da güclü təsir bağışlamadı.

Norveçi növbəti mərhələdə Braziliya gözləyir. Bununla belə, cənubi amerikalılar heç də məğlubedilməz görünmürlər. Yaponiya onlara qarşı necə oynamaq lazım olduğunu artıq nümayiş etdirib. Buna görə də norveçlilərin hətta 1/4 finala yüksəlmək şansları kifayət qədər yüksək qiymətləndirilə bilər.

Dünya Kuboku, 1/16 final

Kot d’İvuar – Norveç 1:2

Dallas. AT & T stadionu. 69665 tamaşaçı.

Hakim: Xesus Valensuela (Venesuela).

Kot d’İvuar: Fofana, Due, Kossunu, Aqbadu, Konan (Bazumana Ture, 90+3), Sanqare, Pepe (Diakite, 87), Kessye, Ulai (Amad Diallo, 60), Dyomande (Gessan, 90+3), Bonni (Vai, 60).

Norveç: Nyulann, Pedersen (Eursners, 83), Ayer, Heggem, Volfe, Berge, Edeqor, Berq, Serlott (Şeldrup, 71), Haaland, Nusa (Bobb, 71).

Qollar: Nusa, 39 (0:1). A. Diallo, 74 (1:1). Haaland, 86 (1:2).

Sarı vərəqə: Nusa, 45+1.