Nigeriya seçmə komandası, Dünya Çempionatı 2026-nın seçmə mərhələsində DR Konqoya məğlub olduqdan sonra FİFA-ya rəsmi müraciət ünvanlayıb. Xatırladaq ki, Nigeriya penaltilər seriyasında rəqibinə 5:4 (1:1) hesabı ilə uduzub.
ESPN telekanalının məlumatına görə, Nigeriya tərəfi şikayətində rəqib heyətdəki 6-9 futbolçunun ikili vətəndaşlığının olduğunu vurğulayıb. Qeyd olunur ki, DR Konqo qanunvericiliyi ikili vətəndaşlığı qadağan edir. Həmin futbolçular Avropada doğulublar və tarixi vətənlərinin yığmasında çıxış etsələr də, doğulduqları ölkələrin pasportlarından imtina etməyiblər.
Bu hüquqi prosedura əsasən, matçın nəticəsi ləğv edilə bilər. Əgər DR Konqo millisi diskvalifikasiya olunarsa, qitələrarası pley-off mərhələsinə Nigeriya vəsiqə qazanacaq.