Bakının “Neftçi” ilə “Sea Breeze” istirahət mərkəzi arasındakı uğurlu əməkdaşlıq 2026/27-ci illər mövsümündə də qüvvədə olacaq.
Klubun mətbuat xidmətinin yaydığı məlumata görə, yeni mövsüm boyunca “Sea Breeze” loqosu komandanın rəsmi oyun formalarının sağ qolunda yer alacaq.
Tərəfdaşlıq çərçivəsində “Sea Breeze” ərazisində fəaliyyət göstərən “Neftçi Store” azarkeşlərin xidmətində olmaqda davam edəcək. Müqaviləyə əsasən, tərəflər müxtəlif birgə sosial layihələr və tədbirlər həyata keçirməyi planlaşdırır. Bundan əlavə, “Sea Breeze” paytaxt klubunun qonaqlarının yerləşdirilməsinə dəstək verməyi də davam etdirəcək.