Azərbaycan Basketbol Liqasının II turuna start verilib. Turun ilk oyun günündə “Sumqayıt” və “Naxçıvan” komandaları üz-üzə gəlib. Qarşılaşma Naxçıvan təmsilçisinin 87:76 hesablı qələbəsi ilə başa çatıb.
Sumqayıt Olimpiya İdman Kompleksində keçirilən matçın hissələri müvafiq olaraq 25:21, 15:29, 23:17 və 13:20 hesabları ilə yekunlaşıb.
Qalib komandanın heyətində Ceremi Heys xüsusi performansla yadda qalıb. O, 35 xal toplayaraq matçın ən məhsuldar basketbolçusu olub.
II turun daha iki qarşılaşması oktyabrın 10-da keçiriləcək. “Gəncə” – “Sabah” matçı isə qeyri-müəyyən tarixə təxirə salınıb.
10 oktyabr
15:00 – “Landau Lions” – NTD
Bakı, İdman Sarayı
18:00 – “Neftçi” – “Ordu”
Bakı, İdman Sarayı