“Sabah”ın UEFA Çempionlar Liqasının əsas mərhələsinin II turunda Çexiyanın “Slaviya” (Praqa) komandası ilə keçirəcəyi oyunun hakimlər briqadası müəyyənləşib. Oktyabrın 13-də Bakı Olimpiya Stadionunda saat 20:45-də başlayacaq qarşılaşmanı avstriyalı FIFA referisi Sebastian Qişamer idarə edəcək. Ona həmyerliləri Roland Ridel və Santino Şrayner kömək edəcəklər. Valter Altmann dördüncü hakim, Alan Kiyas VAR, Yozef Spurni isə AVAR hakimi olacaq.

Zaltsburqlu Qişamer Azərbaycan futbolsevərlərinə tanışdır. O, ötən ilin noyabrında Çempionlar Liqasının əsas mərhələsində keçirilən “Qarabağ” – “Çelsi” matçını da idarə edib. Həmin görüş Ağdam təmsilçisinin İngiltərə klubuna qarşı 2:2 hesablı sensasiyalı heç-heçəsi ilə yekunlaşıb.

1988-ci il oktyabrın 13-də anadan olan Qişamer 2019-cu ildən FİFA referisidir. O, “Qarabağ” – “Çelsi” matçı ilə Çempionlar Liqasının əsas mərhələsində debüt edib. “Sabah” – “Slaviya” görüşü avstriyalı hakim üçün turnirin bu mərhələsində ikinci təyinat olacaq.