DÇ-2026-nın qrup mərhələsinin ilk turunda Belçika millisi çətin sınaqla üzləşib. Sietldə baş tutan matçda qapalı oyun nümayiş etdirən Misir yığması “qırmızı şeytanlar”a rahat nəfəs almağa imkan verməyib.
Matçın 21-ci dəqiqəsində ad günü olan Məhəmməd Salahın sağ cinahdan başlatdığı hücumu Emam Aşur cərimə meydançasının kənarından dəqiq zərbə ilə tamamlayaraq hesabı açıb. Tibo Kurtuanın Mərvan Attiyanın təhlükəli zərbəsini dəf etməsi isə Belçikanı iki top fərqlə geridüşmədən xilas edib.
İkinci hissədə təzyiqi artıran avropalılar oyunda dönüş yaratmağa çalışıblar. Kevin De Brüynenin cərimə zərbəsindən sonra top dirəkdən dönüb.
Oyuna sonradan qoşulan Romelu Lukaku meydana daxil olduqdan cəmi 15 saniyə sonra matçın taleyini dəyişib. Münyenin kəskin cinah ötürməsi zamanı Lukakunun təzyiqinə tab gətirməyən Məhəmməd Hani topu öz qapısına kəsdirib – 1:1.
Matçın sonlarında Lukaku komandasına qələbə qazandırmağa yaxın olsa da, əlverişli mövqedən topu qapının üstündən vurub.
Dünya Kuboku, G qrupu, I tur
Belçika – Misir 1:1
Qollar: M. Hani, 66 (avtoqol) – E. Aşur, 21
Sietl. “Lumen Fild” stadionu
Baş hakim: Ramon Abatti (Braziliya)
Belçika: T. Kurtua, T. Münye, J. Nqoy, B. Mehele, T. Kastany (M. De Keyper, 57), A. Onana (N. Raskin, 57), Y. Tilemans, J. Doku (M. Fernandes Pardo, 86), K. De Brüyne (H. Vanaken, 86), L. Trossard, Ş. De Ketelare (R. Lukaku, 66).
Misir: M. Şobir, M. Hani, Y. İbrahim, M. Fəthi (İ. Adel, 88), Ə. Fatuh (H. Hafez, 88), M. Laşin, M. Attiya, M. Salah (O. Əbdülkərim, 76), E. Aşur (R. Rəbiyə, 70), Ziko (Zizo, 76), O. Mərmuş.
Sarı vərəqələr: T. Kastany (14), M. De Keyper (75) – M. Attiya (13), Ə. Fatuh (34)