Rumıniya millisinin baş məşqçisi Mirça Luçesku milli komandalar tarixində ən yaşlı çalışdırıcı kimi rekorda imza atıb. Sentyabrın 5-də onun komandası yoldaşlıq görüşündə Kanada yığmasına 0:3 hesabı ilə uduzub.
Matçın keçirildiyi gün Luçeskunun 80 yaşı, 1 ayı və 7 günü tamam olub. Bununla da o, əvvəlki rekordçu – 1997-ci ildə Uruqvay millisinin başında duran Roke Maspolini geridə qoyub. Həmin vaxt Maspolinin 80 yaşı, 1 ayı və 4 günü var idi və Uruqvay Ekvador üzərində 5:3 hesabı ilə qələbə qazanmışdı.
Rumıniya yığmasının növbəti oyunu sentyabrın 9-da Kipr millisinə qarşı olacaq.