Basketbol üzrə 20 yaşadək (U-20) təmsilçilərimiz Slovakiyanın paytaxtı Bratislavada keçirilən Avropa çempionatının B divizionunda növbəti matçına çıxıb.
A qrupunda yer alan Azərbaycan milli komandası ikinci tur çərçivəsində meydan sahibi Slovakiya seçməsi ilə üz-üzə gəlib. Gərgin keçən qarşılaşma yığmamızın 72:66 (13:9, 20:27, 17:16, 22:14) hesablı qələbəsi ilə başa çatıb.
Xatırladaq ki, basketbolçularımız ilk oyunda İsveçə məğlub olmuşdular (58:85). Millimiz gələn matçlarını İrlandiya (14 iyul) və Şimali Makedoniya (15 iyul) seçmələrinə qarşı keçirəcək.
A qrupunda xal vəziyyəti: İsveç – 6, İrlandiya – 3, Ş.Makedoniya – 3, Azərbaycan – 3, Slovakiya – 3.