2026-cı il dünya çempionatının seçmə mərhələsinin başlanmasına sayılı günlər qalır. Milli komandamız sentyabrın 5-də səfərdə İslandiya ilə üz-üzə gələcək. Azərbaycan millisi bu gün Reykyavikə yola düşüb. Oyundan bir gün əvvəl komandamız məşqə çıxacaq. Görüş isə Bakı vaxtı ilə saat 22:45-də başlanacaq. Bakıdan yola düşən komandanın heyətində Mahir Emreli olmayıb. “Kayzerslautern”li forvard İslandiya paytaxtına Almaniyadan birbaşa gələcək.

Xatırladaq ki, sentyabrın 9-da milli komanda Bakıda Ukrayna yığmasını qonaq edəcək. Millinin hazırkı heyəti isə belədir:

Qapıçılar: Rza Cəfərov (“Neftçi”), Şahrudin Məhəmmədəliyev (“Qarabağ”), Aydın Bayramov (“Zirə”)

Müdafiəçilər: Abbas Hüseynov, Bəhlul Mustafazadə, Elvin Cəfərquliyev, Toral Bayramov (hamısı “Qarabağ”), Qismət Alıyev (“Zirə”), Elvin Bədəlov (“Neftçi”), Cəlal Hüseynov (“Arda” Bolqarıstan), Rəhman Daşdəmirov (“Sabah”), Anton Krivotsyuk (“Daejeon Hana Siti”, Cənubi Koreya)

Yarımmüdafiəçilər: İsmayıl İbrahimli, Ceyhun Nuriyev (“Zirə”), Səbuhi Abdullazadə (“Sumqayıt”), Emin Mahmudov (“Neftçi”), Anatoli Nuriyev (“Sabah”), Ozan Can Kökçü (“Volendam” Niderland), Şahin Şahniyarov (“Qəbələ”),

Hücumçular: Mahir Emreli (“Kayzerslautern”, Almaniya), Nəriman Axundzadə, Musa Qurbanlı (hər ikisi “Qarabağ”), Renat Dadaşov (“Motor”, Polşa), Xəyal Əliyev (“Sabah”)