Premyer Liqanın 28-ci turu çərçivəsində baş tutan “Qarabağ”la qarşılaşmada (0:1) zədələnən “Sabah”ın hücumçusu Coy-Lens Mikelsin durumuna aydınlıq gəlib.
Müayinələr nəticəsində təcrübəli legionerin üz nahiyəsində sınıq aşkarlanıb. Hazırda Premyer Liqanın bombardiri olan futbolçunun ölkə kubokunun yarımfinal mərhələsi çərçivəsində Ağdam təmsilçisinə qarşı keçiriləcək cavab matçında iştirakı sual altındadır. Böyük ehtimalla Mikels bu vacib görüşdə komandasına kömək edə bilməyəcək. Onun meydana qayıdışı ilə bağlı son qərarı tibbi heyət verəcək.
Xatırladaq ki, “Sabah”la “Qarabağ” arasındakı həlledici cavab qarşılaşması aprelin 22-də “Bank Respublika Arena”da baş tutacaq. Tərəflər arasında keçirilən ilk görüş 2:2 hesablı ilə başa çatıb.