DÇ-2026-da Mərakeşin timsalında yarımfinaladək irəliləyən afrikalılar beynəlxalq arenada daha bir uğura imza atıblar. Belə ki, Mərakeşin U20 yığması Çilidə keçirilən yeniyetmələrin dünya çempionatının finalında gözlənilmədən Argentinanı məğlub edib – 2:0. Messinin həmyerlilərinin qapısına hər iki topu Portuqaliya “Famalikano”sunun formasını geyinən Yassir Zabiri vurub. “Qara qitə” təmsilçiləri ikinci dəfə U20 komandaları arasında keçirilən mundialın qalibi olublar. İlk uğura 2009-cu qanalılar imza atmışdılar. Onlar finalda Braziliyalı həmyaşıdlarını penaltilər seriyasında məğlub etmişdilər.    

Finalda uduza həmvətənlərinə dəstək olan Messi sosial şəbəkədə belə yazıb: “Üzülməyin uşaqlar! Siz turniri əla keçirdiniz. Hamımız sizin kuboku qaldırmağınızı görmək istəyirdik. Bu baş verməsə də, göstərdiyiniz oyunla bizə böyük sevinc bəxş etdiniz. “Ağ-mavi” rənglər uğrunda mübarizənizi qürurla izlədik”.”