Ötən ilin iyulun 3-də İspaniyada baş verən və “Liverpul”un portuqaliyalı hücumçusu Dioqo Jotanın ölümünə səbəb olan yol qəzası ilə bağlı məhkəmə araşdırması dayandırılıb. Lissabonun SIC telekanalının məlumatına görə, bu barədə Kastiliya və Leon Muxtar Birliyinin Ali Məhkəməsi (TSJCL) rəsmi açıqlama verib.
İspaniya məhkəmə sisteminin çıxardığı qərara əsasən, ölkənin şimal-qərbindəki Sernadilla yaxınlığında, A52 magistralında baş vermiş faciəvi hadisədə hər hansı cinayət məsuliyyəti müəyyən olunmayıb. Məhkəmə işin xitam verilməsini İspaniya Mülki Qvardiyasının yol polisi bölməsinin ekspert rəyləri ilə əsaslandırıb.
İstintaqın nəticələrinə görə, hadisəyə səbəb Jotanın idarə etdiyi “Lamborghini” markalı avtomobilin təkərinin partlaması olub. Müfəttişlərin gəldiyi son qənaətə görə, gecə qaranlığında həyata keçirilən yüksək sürətli ötmə manevri idarəetmənin itirilməsi və avtomobilin metal çəpərlərə çırpılması ilə nəticələnib. Zərbənin gücündən alovlanan nəqliyyat vasitəsi hər iki şəxs üçün məzara çevrilib; Dioqo Jota və qardaşı Andre Silva bu qorxunc qəzadan sağ çıxa bilməyiblər.
28 yaşında həyatla vidalaşdığı bildirilən Dioqo Jota 2020-ci ildən “Liverpul”un şərəfini qoruyurdu. Karyerası ərzində “Vulverhempton”, “Portu” və “Pakuş Ferreyra” kimi klublarda çıxış edən hücumçu, Portuqaliya millisinin heyətində 49 oyuna 14 qol vuraraq ölkə futbolunun önəmli simalarından birinə çevrilmişdi.un portuqaliyalı hücumçusu Dioqo Jotanın ölümünə səbəb olan yol qəzası ilə bağlı məhkəmə araşdırması dayandırılıb. Lissabonun SIC telekanalının məlumatına görə, bu barədə Kastiliya və Leon Muxtar Birliyinin Ali Məhkəməsi (TSJCL) rəsmi açıqlama verib.
İspaniya məhkəmə sisteminin çıxardığı qərara əsasən, ölkənin şimal-qərbindəki Sernadilla yaxınlığında, A52 magistralında baş vermiş faciəvi hadisədə hər hansı cinayət məsuliyyəti müəyyən olunmayıb. Məhkəmə işin xitam verilməsini İspaniya Mülki Qvardiyasının yol polisi bölməsinin ekspert rəyləri ilə əsaslandırıb.
İstintaqın nəticələrinə görə, hadisəyə səbəb Jotanın idarə etdiyi “Lamborghini” markalı avtomobilin təkərinin partlaması olub. Müfəttişlərin gəldiyi son qənaətə görə, gecə qaranlığında həyata keçirilən yüksək sürətli ötmə manevri idarəetmənin itirilməsi və avtomobilin metal çəpərlərə çırpılması ilə nəticələnib. Zərbənin gücündən alovlanan nəqliyyat vasitəsi hər iki şəxs üçün məzara çevrilib; Dioqo Jota və qardaşı Andre Silva bu qorxunc qəzadan sağ çıxa bilməyiblər.
28 yaşında həyatla vidalaşdığı bildirilən Dioqo Jota 2020-ci ildən “Liverpul”un şərəfini qoruyurdu. Karyerası ərzində “Vulverhempton”, “Portu” və “Pakuş Ferreyra” kimi klublarda çıxış edən hücumçu, Portuqaliya millisinin heyətində 49 oyuna 14 qol vuraraq ölkə futbolunun önəmli simalarından birinə çevrilmişdi.