“Qarabağ”ın portuqaliyalı yarımmüdafiəçisi Leandro Andrade Ağdam təmsilçisinin heyətində vurduğu qolların sayını 60-a çatdırıb.
Peşəkar Futbol Liqasının yaydığı məlumata görə, 24 yaşlı futbolçunun yubiley qolu Premyer Liqanın 30-cu turu çərçivəsində keçirilən “Turan-Tovuz”la qarşılaşmaya (2:1) təsadüf edib.
Ağdam təmsilçisinin uğurlarında mühüm rol oynayan Andrade, yubiley qoluna klubun heyətində çıxdığı 211-ci rəsmi matçda imza atıb. Portuqaliyalı vingerin ümumi qol statistikası turnirlər üzrə aşağıdakı ardıcıllıqla bölünüb:
Premyer Liqa 135 qarşılaşmada 45 qol;
Avrokuboklar 56 matçda 13 qol;
Azərbaycan kuboku 20 oyunda 2 qol.
Yeri gəlnişkən, Leandro Andrade “Qarabağ”da qol hesabını 2022-ci il aprelin 2-də, “Səbail”lə keçirilən və 5:1 hesablı qələbə ilə başa çatan çempionat oyununda açıb.