İspaniya millisinin və “Barselona”nın gənc ulduzu Lamin Yamal zədəsini gözləniləndən daha tez sağaldıb. Görünür, bu möcüzəvi bərpanın arxasında xüsusi bir dəstək dayanır. 18 yaşlı futbolçu hazırda davam edən DÇ-2026-ya sevgilisi İnes Qarsiyanı da aparıb.

İnesin “Instagram” paylaşımları cütlüyün turnir zamanı da ayrılmadığını sübut edir. Oteldən videolar paylaşan cazibədar xanım Yamalın səhhəti ilə bağlı azarkeşləri sakitləşdirib: “Onun üçün narahat olmayın, Dünya Çempionatına tam hazır olacaq”.

Qeyd edək ki, gənc vunderkindin qrup mərhələsinin ilk oyunlarını qaçıracağı gözlənilsə də, o, artıq İspaniya yığmasının ümumi qrupunda məşqlərə başlayıb. Turnir otelindəki xoş ab-hava və sevgilisinin mənəvi dəstəyi Yamalın komandaya tez qayıtmasında əsas rol oynayıb.