Premyer Liqada 28-ci turun oyunları davam edir. Günün ilk matçında “Kəpəz” Yevlax Şəhər Stadionunda “İmişli”ni qəbul edib və minimal hesabla məğlub olub.
“Qarabağ” üzərindəki sensasiyalı qələbədən sonra kəskin eniş yaşayan – əvvəlcə “Qəbələ”yə, ardınca isə autsayder “Karvan”a məğlub olan Azər Bağırovun komandası bu görüşdə azarkeşləri önündə reabilitasiya olunmağa çalışırdı. “İmişli” isə ardıcıl ikinci qələbəsini qazanaraq mövqeyini möhkəmləndirmək niyyətində idi.
Qarşılaşma gözlənildiyindən daha aşağı templə yadda qaldı. Rəqiblər kombinasiyalı hücumlar qurmaqda ciddi çətinlik çəkib. Xırda qayda pozuntuları və yaranan qısa fasilələr oyunun dinamikasına mənfi təsir göstərib.
Görüşün taleyini həll edən yeganə qol isə 38-ci dəqiqədə vuruldu. Juninyonun asmasından sonra Dioqu Rollo topu başla qapı önünə göndərib, kapitan Azər Salahlı isə yaranmış fürsəti boşa verməyərək baxımlı qola imza atdı.
Bu vacib qələbə sayəsində “İmişli” Premyer Liqada yerini rəsmən təmin edti. Gəncə təmsilçisinin qara zolağı isə davam edir.
KƏPƏZ – İMİŞLİ – 0:1 (0:1)
Qol: Salahlı, 38 (0:1).
Baş hakim: Kamal Umudlu.
Kəpəz: Yusif İmanov, Rauf Hüseynli (Renosuke Ohori, 58), Fərid Nəbiyev (Camal Cəfərov, 73), Rəhman Hacıyev, Ümid Səmədov, Paçu, Olavale Onanuqa (Şakir Seyidov, 46), Mahamadu Ba, Adama Fofana, Mate Abuladze, Dioqo Verdaşka (k).
İmişli: Hüseynəli Quliyev, Azər Salahlı (k), Rafael Vieqas, İdris İnqilablı, Yau Mozes, Nikola Karaklayiç, Ronaldo Rodriges, Dioqu Rollo, Juninyo (Vüsal Qənbərov, 86), Edvin Banquera, Dioqu Almeyda (Abbas Ağazadə, 77).Sarı vərəqələr: Ba, 2. Hüseynli, 33. Mozes, 44. Fofana, 90+3. Qənbərov, 90+3. Hüseynəli Quliyev, 90+3.