“Kəpəz” heyətin optimallaşdırılması prosesini davam etdirir. Gəncə təmsilçisi qapıçı Məmməd Hüseynovla yollarını ayırıb.
Klub rəhbərliyi müqavilə müddəti başa çatan 27 yaşlı qolkiperlə yeni sözləşmə imzalamamaq qərarına gəlib. Xatırladaq ki, M.Hüseynov 2024-cü ilin yayından etibarən qərb klubunun şərəfini qoruyurdu. O, geridə qalan mövsümdə gəncəlilərin heyətində cəmi 7 rəsmi matçda meydana çıxıb.
Qolkiperin işsiz günləri uzun çəkməyib. Paytaxtın “Şafa” klubu azad agent statusu daşıyan qapıçını rənglərinə bağlayıb. Klub artıq transferi rəsmi şəkildə ictimaiyyətə elan edib.